((( انا كبرت )))

أنا كبرت 👩🏻‍🦰👩🏻‍🦱👱🏻‍♀️


✝️آيه جميلة : *" إِذْ صِرْتَ عَزِيزًا فِي عَيْنَيَّ مُكَرَّمًا، وَأَنَا قَدْ أَحْبَبْتُكَ. " ( اش ٤٣ : ٤) *

✝️آية ٢ : " كُلُّكِ جَمِيلٌ يَا حَبِيبَتِي لَيْسَ فِيكِ عَيْبَةٌ." (نش 4: 7).



☘️ الله خلق الجسد ده "ورأى الله كل ماعمله فإذا هو حسن جدا (تك1 : 31)
يبقى ربنا بنفسه بيشهد إنه خلق الإنسان جميل جدا بكل حاجة فيه من جسد وروح وعقل ..وده معناه إن جسدنا جميل لأنه خلقة الله.
☘️ جسمنا ده جميل ومكرم وغالي لإن ربنا يسوع بنفسه قبل إنه ياخد نفس جسدنا ده بأعضائه وبأحاسيسه نشوف إزاي ربنا جاع وعطش وإكتئب وبكى. 
☘️الله ساكن في جسدنا " أما تعلمون أنكم هيكل الله و روح الله يسكن فيكم ( 1كو 3: 16)

☘️ يعني جسدنا إتقدس لما الروح القدس سكن فيه قداسة الأعضاء الجسدية  (بالمعمودية – الميرون – التناول) ودي حاجة بتميزنا عن كل الناس إللي حوالينا إننا جوانا روح  الله إللي سكن فينا بمسحة الميرون المقدسة يعني "تتخصص"
فإنتي جسمك كله بكل أعضائه وأفكارك وعقلك" وبقى جسدك زي الهيكل في الكنيسه وله نفس الكرامة والقيمة لإن بيجمعهم حضور الله.
✝️ ( إذ صرت عزيزا مكرما وأنا قد أحببتك "أشعياء 43: 4)
-الله هيمجد جسدنا لما نرث الحياة الأبدية وهيعطينا أجساد نورانية ممجدة زي جسد قيامته.

إزاي أتعامل مع جسدي إللي ربنا أعطاه لي؟
أقبله أحبه – بشكله وإمكانياته لأن عطية من الله وأشكر ربنا دايما عليه / جسدي أحافظ عليه من الخطية ( النظرة الوحشة / الكلام الوحش / التصرفات الغلط)
 

♦️التغيرات الجسدية فى مرحلة المراهقة:
1- تجمع الدهون في اماكن معينة من الجسم (الثدي – الارداف)
2- ظهور  للشعر في اماكن في الجسم ( تحت الابط – بين الرجلين)
3- زيادة في الطول
4- الدورة الشهريِة

♦️ التغييرات الجسدية تحتاج لعناية خاصة:
1- حمام يومي، غسل الشعر مرة
  أو مرتين اسبوعيا
2-تغيير الملابس الداخلية يوميا
3- استعمال مزيل العرق
4- قص الاظافر والاهتمام بنظافتهم
5- اثناء الدورة تغيير الفوطة كل 4-5 ساعات
6- غسل الاسنان مرتين يوميا



♦️*التغيرات النفسية والعاطفية:*
1- حساسية زائدة وسرعة التأثر
2- تقلب في المزاج وعدم استقرار نفسي
3- الاهتمام بالمظهر الخارجي
4- احتياج للمشاعر ،العواطف ، التقدير والاحترام
5- كسل
6- الانسياق وراء الاصدقاء

♥️ لازم أخد معلوماتي من حد يكون :
١- كبير( مش صاحبتى اللى قدي)
٢-شخص موثوق منه
٣- شخص يسمعنى و بيحبني
مثال : ( ماما ، بابا ، خالتو ، تيتا ، عمتو)

🔴🔴🔴🔴🔴

وفي حاجة مهمة يا بنات لازم أعرفها إني أنا لي حدوووووود يعني إيه لي حدود؟؟؟ حدود خاصة بي ما حدش ينفع يعديها.

♦️- يعني إيه المناطق الخاصة؟
عشان أنا غاليه ومهمة أوي ولي حاجات بتاعتي بتخصني ، جسمنا بتاعنا لوحدنا وعشان مهم أوي بالنسبة لينا لازم نحافظ عليه وعلى أجزاءه الخاصة.

خط احمر لينا :🚩🚫
👈 لكل أب وأم وكل طفل انتبهوا 😧
👈1/عدم خلع ملابسك أمام أحد غريب
👈2/عدم ترك باب الحمام مفتوح
👈3/عدم الاستحمام مع أحد
👈4/عدم النوم فى فراش واحد مع أحد غريب
👈5/عدم الجلوس على رجل أحد أو الوقوف بين قدميه
👈6/عدم التقبيل من الفم
👈7عدم منح الثقه المطلقه للاقارب وأطفال العائله والأصدقاء...
8👈عدم منح أي شخص غريب فرصة الاختلاء بيا فترات طويله ومتكرره بأي غرض او حجة ….

9 👈عدم ركوب المصعد بمفردنا ...و لا نسمح للغرباء الركوب معنا

10👈عدم تناول شئ من الغرباء
11👈عدم فتح الباب لأي أحد
12👈لا يجبرنا احد على تقبيل اي شخص أو حضنه.
13👈نسمع كلام الكبار فى حدود تخصصهم مثلا المدرس فى عمل الواجب
السائق فى أساليب الحمايه والركوب والنزول بخلاف ذلك فلا
14👈نتفق مع بابا وماما على كلمة سر بينكم فقط ......وان لا نذهب مع أي شخص يدعى انه انت أو أباه ارسله ليأخذه
15👈 ما تقبليش صداقة حد في لعبة أو طلب صداقة على الفيس بوك أو الواتس أب وإذا حد بعتلك رسالة فيها كلام وحش وعيب إقفلي النت بسرعة وإعملي للشخص block / لو حد ماتعرفهوش وفضل يتصل بيكي ويقولك كلام عيب ومش كويس إديله بابا أوماما يردوا عليه.

ربنا يحافظ علي بناتنا جميعاً

♦️ 1- أعمل إيه لو حد عمل معايا كده أو لسه بيعمل ؟  
1- نرفع صباعنا لفوق وأشاور عليه وأزعق بصوت عالي وأقوله "لأ"    (ليه؟؟ لإن إنتي مهمة وغالية أوي و ده جسمك ولازم تحافظي عليه إوعي تخافي تقولي لأ ) (حتى لو قالك هازعل هانسلم بالإيد عادي لو أصر هاقول لأ و أجري أقول لماما)
2- أهم حاجة تجري بسرعة وتحكي لماما أو بابا أو حد كبير بتثقي فيه ، لما تحكي إنتي مش بس بتحمي نفسك لأ ده إنتي بتحمي كمان أطفال تانيين  من الشخص الشرير ده.