سليمان حكمته و أسفاره

كان فيه زمان ملك 🤴 عظيم 👍 اسمه سليمان الحكيم
مسك الحكم بعد ابوه الملك داود واول ما مسك الحكم كان حاسس انه صغير ومش هيعرف يدخل ولا يخرج وسط الشعب الكبير ده ولا هيعرف يميز بين الخير والشر وكان محتار وقلقان جداااا
وفى يوم من الايام وهو نايم في مدينة 🌃 اسمها جبعون ظهر له ربنا فى حلم 🛌 وقاله اسأل ماذا أعطيك
تفتكرو يا أولاد هيطلب ايه؟؟؟
طلب حاجه غريبه طلب ان ربنا يديله الحكمه فرح ربنا خالص بالطلب ده وقاله علشان انت طلبت الطلب ده ومطلبتش الغنى ولا العمر الطويل ولا الكرامه ولا انك تتخلص من اعدائك فانا هديلك طلبك وهديلك عليه كل اللى انت مطلبتوش كمان
وهديلك قلب 💓 وعقل حكيم ومش هيكون فيه اى ملك 👑 زيك فى كل الملوك اللي ف ايامك
وفعلا حكم سليمان النبي ٤٠ سنه وهو اللي كتب 📕 سفر الامثال وسفر الحكمة وسفر نشيد الأنشاد وسفر الجامعه

ويلا نحفظ مع بعض الايه بتاعتنا الجميلة
ان كان احدكم تعوزه حكمة فليطلب من الله ( يع ٥:١)"

✝️ التدريب :-

+ أشكر الله لأنه منحك عقل تفكر به وتستخدمه.
+ فكر في أي شيء قبل أن تتخذ أي قرار
+ اطلب من ربنا أن يعطيك الحكمة في كل أمور حياتك.