الله واحد مثلث الاقانيم

*ملخص درس مدارس الاحد للصف الخامس متوسط بنات *
الجمعه 28 يناير 2022
الله الواحد في الثالوث
كل سنه وانتم طيبين ... درسنا النهاردة بيبدأ من 2000 سنه
... لما اتجسد ربنا من العذراء مريم وكبر وراح علشان يتعمد من يوحنا المعمدان ....عارفين احنا كنيستنا اهتمت باليوم ده جدا واحتفلت بيه كل سنه كعيد واطلقت عليه ايه ؟؟
عيد الغطاس .. او عيد الظهور الالهي وده لان ربنا أعلن فيه لينا انه اله واحد مثلث الاقانيم .

يعني ايه الله واحد مثلث الاقانيم ؟
ببساطة ... يعني ان الله له كيان وله عقل وله روح
زينا بالظبط احنا لينا جسد ولينا عقل ولينا روح
مع الفرق .... احنا محدودين لكن الله غير محدود

في عيد الظهور الالهي ( عيد الغطاس) : شوفنا الابن بيتعمد وشوفنا الروح القدس مثل حمامه نازله عليه وسمعنا الاب بيقول هذا هو ابني الحبيب الذي به سررت .

لماذا تم التجسد ؟؟؟ ولماذااعتمد ربنا يسوع المسيح ؟
ربنا اتجسد علشان حاجتين مهمين :
1- علشان يفدينا
2- علشان يجدد طبيعتنا اللي فسدت بالخطيه
وعلشان كدة حصل الظهور الالهي ده ... ناخد بالنا ان الله مكانش محتاج للمعموديه ... معموديه رب المجد علشان نعرف احنا اننا لما هانتعمد هانبقي اولاد ليه وهايدينا الروح القدس علشان يقدسنا .
الايه بتقول : ذاك يمجدني لانه يأخذ مما لي ويخبركم ( يوحنا 16 :14 )
** ناس للاسف مافهمتش الايه دي وقالوا يعني ايه الروح القدس ياخد من الابن ويقدسنا لا معنى كدة ان الروح القدس اقل من الابن مادام هياخد منه يعني هو مش الهه . واللي قال كدة واحد اسمه مقدونيوس (بطريرك القسطنطينيه) ... والكلام اللي قاله ده بيتسمي ب بدعه او هرطقه .
ما معني البدعه او الهرطقه ؟
هو اي تعليم يخالف تعاليم ربنا او اي كلام غلط عن طبيعه ربنا .
*** تم الحكم علي مقدونيوس وبدعته في المجمع المسكوني الثاني بالقسطنطينيه عام 381 ميلاديا.
في سفر ايوب الايه بتقول :
روح الله صنعني ونسمه القدير أحيتني .(ايوب 33 : 4 )
الايه دي بتوضح لينا ان لروح القدس هو الخالق اذن هو الله ... معني كدة ان الله واحد في طبيعته ولكل كل اقنوم له عمل ظاهر لينا احنا ( مافيش اقنوم بيشتغل لوحده بدون بقيه الاقانيم ... ولكن بيكون ظاهر لينا احنا عمله باقنوم واحد ... وده اللي بيخلي من عيد الغطاس عيد اننا شوفنا الثلاثه اقانيم مع بعض لاول مره ... علشان يأكدة لينا الله ان الروح القدس اللي هناخده في المعموديه هو الله .... ان السيد المسيح اللي اتصلب عالصليب هو الله .... ان الله الاب خالق وضابط الكل هو الله )
ربنا يدينا اننا ناخد من روحه القدوس مواهب وعطايا وبركة ونكون احنا اعضاء في جسده الواحد.

تدريب :
نحفظ قانون الايمان ونردده بفهم
ونواظب علي حضور القداسات والتناول